“Vjedhje!”- Federata Shqiptare e Mundjes reagon ashpër pas skualifikimit të Valiev

Federata Shqiptare e Mundjes ka reaguar në lidhje me eliminimin në çerkfinale të mundësit Chermen Valiev, i cili u mposht me rezultatin 6 me 5 përballë një mundësi nga Uzbekistani në Lojërat Olimpike.

Përmes një reagimi në faqen zyrtare në rrjete sociale, Federata e Mundjes akuzon gjyqtarin për vjedhje të ndeshjes.

Sipas federatës sportisti që përfaqëson Shqipërinë e dominoi ndeshjen duke iu mohuar fitorja dhe kalimi në gjysmëfinale për të marrë medaljen e shumëpritur.

“Lojërat Olimpike Paris 2024,

Në te cilat kemi hyrë në historinë e Mundjes Shqiptare me tre Sportist garues dhe gjithçka lidhet vetëm me një emër: Chermen Valiev.

Janë padrejtësitë e mëdha, sepse të voglat mund të jenë të pambarimta.

Chermen Valiev në ndeshjen çerekfinale, në sekondat e fundit ka humbur me një vendim te padrejtë të gjyqtarisë, 6-5 në favor të mundësit nga Uzbekistani, ku ndeshja ishte terësisht e dominuar nga Valiev, por pa mundur të marr fitoren e mohuar.

Me kaq guxim të madh dhe kaq haptazi, dje vodhën finalen nga Sportisti jonë dhe ëndrrën tonë dhe të tij, per medaljen historike.

Ky diskriminim në këtë Event sportiv  me rëndesi kaq të madhe lë realisht për të dëshiruar. VJEDHJE!!!”, thuhet në njoftimin e Federatës së Mundjes.

LEXONI GJITHASHTU:

• Thyen rekordin personal, por atleti shqiptar skualifikohet nga Lojërat Olimpike
• Dudaev eliminohet në çerekfinale, mposhtet 11-0 nga mundësi iranian