Rëndohet situata e zjarreve në Parkun Kombëtar të Prespës

Situata paraqitet tejet e rënduar mbrëmjen e kësaj të diele në Parkun Kombëtar të Prespës, ku vatrat e zjarrit janë të shumta. Një pjesë e tyre janë brenda pjesës së pyllëzuar me ah,

Forca të shumta zjarrfikëse janë në terren, por situata është rënduar aq shumë sa e bën të vështirë punën e tyre.

Për këtë sipas specialistëve të zonave të mbrojtura, por dhe kryetarit të bashkisë Pustec Pali Kolefski ndërhyrja nga ajri tashmë është më shumë se emergjente

“Katastrofë ekologjike”,- e ka cilësuar Kolefski atë çfarë po ndodh në parkun kombëtar të Prespës, situatë e cila në këto përmasa nuk është parë herë tjetër.