Shkaktoi zjarr dhe vuri në rrezik një subjekt privat, arrestohet 64-vjeçari në Maliq

Një 64-vjeçar është arresuat mëngjesin e kësaj të mërkure në Maliq pasi shkaktoi zjarr në aksin rrugor Sheqeras-Maliq.

Si pasojë e flakëve janë djegur sipërfaqe toke e gjithashtu është vënë në rrezik një subjekt privat, firmë frigoriferike.

Njoftimi i policisë:

Ndezi zjarr për të djegur mbetje bimore dhe nga përhapja e flakëve u rrezikua një subjekt në aksin rrugor “Sheqeras-Maliq” dhe u dogj një sipërfaqe toke, arrestohet 64-vjeçari.

Ndërhyrja e menjëhershme e shërbimeve të Policisë dhe atyre zjarrfikëse mundësoi shuarjen e zjarrit.

Rreth orës 17:30, të datës 13.08.2024, sapo janë njoftuar për një rast zjarrvënieje, në aksin rrugor “Sheqeras-Maliq”, specialistët për Hetimin e Krimeve të Komisariatit të Policisë Maliq kanë shkuar në vendngjarje. Në bashkëpunim me shërbimet zjarrfikëse është bërë e mundur shuarja e zjarrit, ndërsa si rezultat i veprimeve të shpejta hetimore është identifikuar dhe arrestuar autori i dyshuar i zjarrvënies, shtetasi Xh. H., 64 vjeç, banues në fshatin Orman-Pojan.

Ky shtetas ka ndezur zjarr në afërsi të aksit rrugor, për të djegur mbetje bimore, dhe si pasojë e përhapjes së flakëve është rrezikuar një subjekt (firmë frigoriferike) në aksin rrugor “Sheqeras-Maliq” dhe është djegur një sipërfaqe toke.

LEXONI GJTHASHTU:

• Kryeministri i Japonisë pritet të japë dorëheqjen muajin e ardhshëm
• Shqipëria kërkoi ekstradimin, Durim Bami lirohet 2 muaj pas arrestimit në Dubai