Kroacia rikthen shërbimi ushtarak, qytetarët do të bëjnë 2 muaj të detyrueshëm

Të rinjtë kroatë që kanë mbushur moshën 18-vjeç do të bëjnë shërbim të detyrueshëm ushtarak. Qeveria ka vendosur rikthimin e shërbimit, pas heqjes së tij në vitin 2008.

Kroacia do të rikthejë shërbimin e detyrueshëm ushtarak duke nisur nga viti 2025. Ministri i Mbrojtjes i Kroacisë Ivan Anushiç deklaroi se shërbimi i detyrueshëm do të zgjasë dy muaj. Qëllimi i këtij vendimi është përgatitja me njohuritë ushtarake e brezave të rinj.

Në vitin 2008, Kroacia pezulloi përkohësisht shërbimin e detyrueshëm ushtarak. Forcat e armatosura të vendit të NATO deri më sot kanë funksionuar më shërbimin me pagesë dhe vullnetar.

Vendimi vjen pas agresionit rus të Ukrainës dhe shtimin e investimeve të vendeve të rajonit në mbrojtje. Politika e mbrojtës kroate ka vlerësuar gjithmonë si kërcënim për sigurinë e saj Serbinë dhe armatosjen e saj.

Blerja e armëve nga Kina dhe Rusia e Serbisë ka rritur shqetësimet në Zagreb për tensione që mund të rriten në vitet ardhshme. Për këtë qëllim Kroacia ka rritur investimet në mbrojtje duke blerë sasi të konsiderueshme armësh moderne dhe duke rritur pagat e personelit ushtarak.

I pyetur për shpenzimet e larta në armatime, Ministri i Mbrojtjes deklaroi se situata gjeopolitike nuk lejon që Kroacia të kursejë për armatime.