KFOR kryen patrullime në Leposaviç

Misioni paqeruajtës në Kosovë, KFOR ka njoftuar se pjesëtarë të saj kanë zhvilluar se fundmi patrullime të rregullta në komunën e Leposaviçit. Fjala është për Kompaninë Bullgare të Manovrimit, siç ka bërë me dije vete KFOR, në shërbim të ruajtjes së sigurisë në Kosovë.

“KFOR të udhëhequr nga NATO zhvillojnë patrulla të rregullta në komunën Leposaviç. Kjo është pjesë e përpjekjeve të përditshme të kryera nga kontingjentet e KFOR-it në mbështetje të sigurisë së qëndrueshme në të gjithë”, thuhet në njoftimin përkates.

KFOR vepron si reagues i tretë i sigurisë, në koordinim të ngushtë me Policinë e Kosovës dhe misionin për Sundim të Ligjit të Bashkimit Evropian (EULEX), të cilët janë respektivisht reaguesit e parë dhe të dytë të sigurisë. Më tej, ne njoftim theksohet se KFOR vazhdon të zbatojë mandatin e tij për të kontribuar në një mjedis të sigurt dhe liri të lëvizjes për të gjithë njerëzit që jetojnë në Kosovë, në çdo kohë.

LEXONI GJITHASHTU:

• Ambasadori gjerman në Kosovë në një linjë me KFOR për urën mbi Ibër
• KFOR zbarkon në urën e Ibrit, Kurti përgatitet për ta hapur