SHBA| Drogë në shalqinj, ja si ishin kamufluar 2 ton metamfetaminë

Agjentët kufitarë të Shteteve të Bashkuara kanë kapur një kamion që transportonte metamfetaminë me vlerë më shumë se 5 milionë dollarë në kufirin SHBA-Meksikë.

Droga ishte  fshehur brenda një ngarkese me shalqinj dhe ishte e mbështjellë me plastikë të lyer me dy nuanca të gjelbërta që t’i ngjante frutave dhe u vendos mes shalqinjve të vërtetë.

Oficerët sekuestruan më shumë se dy ton metamfetaminë, në një total prej 1220 pako.

Zyrtarët e Doganave dhe Mbrojtjes Kufitare të SHBA thanë se oficerët e tyre kishin ndaluar një kamion që transportonte një rimorkio në kufirin me Meksikën në Otay Mesa.

Dokumentet treguan që shoferi po transportonte një ngarkesë për shalqinj, por inspektimi i agjentëve zbuloi pakot që përmbanin metamfetaminë.

I njohur gjithashtu thjesht me shkurtimin” met”, kjo lloj droge është një stimulues i fuqishëm, që krijon varësi.

LEXONI GJITHASHTU:

• “S’e dija që në pako kishte para”; GJKKO lë në burg shefin e Antidrogës
• (EMRAT) Shpërndanin drogë në Mykonos, arrestohen dy shqiptarë