Siguroi 12 kg kokainë e heroinë për t’i shitur në Durrës, arrestohet 31-vjeçari

Një 31-vjeçar shqiptar është arrestuar nga autoritetet italiane për llogari të drejtësisë shqiptare, pasi rezultonte një person në kërkim për trafik droge.

Në vitin 2019, 31-vjeçari kishte siguruar 12 kilogramë heroinë dhe kokainë, me qëllim shitjen në qytetin e Durrësit.

Interpol Tirana vijon bashkëpunimin me homologët italianë për të bërë të mundur ekstradimin e 31-vjeçarit drejt Shqipërisë.

“Si rezultat i informacioneve të siguruara nga strukturat e specializuara të Policisë së Shtetit, për vendndodhjen e një shtetasi shqiptar, të shpallur në kërkim ndërkombëtar, si dhe i shkëmbimit të këtyre informacioneve, në kohë reale, me partnerët e Interpol Romës, u mundësua kapja dhe arrestimi në Itali, me qëllim ekstradimin në Shqipëri, i shtetasit V. B., 31 vjeç, i lindur në Durrës.

Gjykata e Durrësit, në vitin 2021, i ka caktuar këtij shtetasi, masën e sigurisë “Arrest në burg”, për veprën penale “Prodhimi dhe shitja e narkotikëve”.

Gjatë periudhës hetimore ka rezultuar se në vitin 2019, shtetasi V. B. kishte siguruar 7 kg lëndë narkotike heroinë dhe 5 kg lëndë narkotike kokainë, me qëllim shitjen në Durrës”, thuhet në njoftimin e policisë.

LEXONI GJITHASHTU:

• Siguroi kushte për vrasjen e Nuredin Dumanit, ekstradohet nga Kosova Arben Lamçja
• U kap në makinë me Laert Haxhiun, ekstradohet nën masa të rrepta i shumëkërkuari