56 shoferë të arrestuar në 1 javë, “Rrugorja” masa për parandalimin e aksidenteve

Nisur nga fluksi shumë i lartë i automjeteve që qarkullojnë në akset rrugore nacionale, zonat bregdetare, turistike, dhe në zonat e mëdha urbane, si dhe nga shkeljet e shumta  të rregullave të qarkullimit rrugor të konstatuara nëpërmjet mjeteve inteligjente, Policia Rrugore ka intensifikuar masat me qëllim parandalimin e aksidenteve rrugore.

Si rezultat i monitorimit në të gjitha akset rrugore, 24/7, duke përdorur mjete inteligjente shpejtësimatëse, poliskanë, radarë automatikë, dronë të cilësisë së lartë, dragera dhe telescope, gjatë javës që lamë pas:

-janë pezulluar 161 leje drejtimi, për shpejtësi mbi normat e lejuara, për drejtim të mjetit në efektin e alkoolit/në gjendje të dehur dhe për qarkullim në sens të kundërt;

-janë arrestuar 56 drejtues mjetesh, për drejtim të mjetit në gjendje të dehur dhe për drejtim të mjetit pa leje drejtimi.

Gjithashtu, në të gjithë vendin janë vendosur 22 260 masa administrative, nga këto:

– 6212 për shpejtësi tej normave të lejuara;

– 1123 për përdorim të celularit gjatë drejtimit të mjetit;

– 1125 për mospërdorim të rripit të sigurimit;

– 2100 për parakalime të gabuara;

– 178 për mosvendosje të kaskës mbrojtëse;

– 108 për manovra të rrezikshme në rrugë;

– 213 për drejtim të mjetit në efektin e alkoolit;

– 9229 për parkim të gabuar;

– 1972 për shkelje të tjera të Kodit Rrugor.

LEXONI GJITHASHTU:

• Fluks urgjencash te Trauma, 350 raste në 24 orë, shumica aksidente rrugore
• AMP pezullon nga detyra dy punonjës të Policisë Rrugore për shpërdorim detyre