Përhapen sëmundjet në Gaza, shkak kontaminimi i bregdetit nga ujërat e zeza

Ujërat në pjesë të vijës bregdetare mesdhetare të Gazës kanë filluar të kthehen në ngjyrë kafe, ndërsa ekspertët shëndetësorë paralajmërojnë për përhapjen e ujërave të zeza të hapura dhe sëmundjeve në të gjithë territorin.

Imazhet satelitore tregojnë atë që duket të jetë një derdhje e madhe e ujërave të zeza në brigjet e Deir al-Balah.

Një zyrtar lokal i pyetur nga media e BBC-së ka thënë se njerëzit e zhvendosur në kampet aty pranë po i dërgojnë ujërat e zeza direkt në det.

“Kjo është për shkak të rritjes së numrit të njerëzve të zhvendosur dhe shumë prej tyre po i lidhin tubat e tyre me sistemin e kullimit të ujërave të shiut,” tha Abu Yazan Ismael Sarsour, kreu i komitetit të urgjencës Deir al-Balah.

Pas kezamiminimeve të pamjeve satelitore, rezulton se ujërat e zeza duken se po derdhen në det nga kampet e mbushura me njerëz aty pranë.

Shkarkimet e ujërave të zeza në imazhet mbulonin një sipërfaqe prej mbi 2 km katrorë.

Bombardimet intensive izraelite kanë çuar në shembjen e infrastrukturës së menaxhimit të ujërave të zeza të Gazës, përfundoi një raport mjedisor i OKB-së në qershor.

LEXONI GJITHASHTU:

• Gaza| Shkon në 40,400 numri i të vdekurve, Izraeli vret 71 palestinezë të tjerë
• Dhjetëra të vrarë në Gaza, teksa përgatitjet rreth bisedimeve për armëpushim vijojnë