“Do të jem këtu deri më 26 prill”, Meta nga Vlora: Nuk preket asnjë votë e vlonjatëve

Nga Vlora, presidenti Ilir Meta bëri sërish një apel të fortë për ditën e zgjedhjeve, ndërsa deklaroi se nuk do të preket asnjë votë e vlonjatëve dhe se ai vetë do të jetë në qytetin bregdetar deri më 26 prill.

Teksa ironizoi edhe kandidatin socialist për deputetë Damian Gjiknuri kreu i shtetit, e ftoi kryeministrin të shkonte në Vlorë e të bënte gjithçka transparente.

“Z. Rama z. tërmet dhe qamet në çdo moment janë të ftuar të jenë këtu me mua, me të tërë vlonjatët të bëjë gjithçka transparente.

Nuk ka shans vota e vlonjatëve të preket, Vlora do votojë për vajzat, për zonjat për të gjithë ata që nuk lejojnë që Vlora të zëvendësojë të rinjtë me baglandeshasit”, deklaroi kreu i shtetit.