Greqi| Sherr me thika në burgun e Domokos, 41-vjeçari shqiptar plagoset në kokë

Një ngjarje e rëndë raportohet të ketë ndodhur në Greqi, ku një 41-vjeçar shqiptar ka mbetur i plagosur në kokë me thikë.

Sipas mediave greke, bëhet me dije se ngjarja ka ndodhur rreth orës 11:30 me orën lokale pas një sherri mes shqiptarit dhe një 32-vjeçari sirian e një 30-vjeçari algjerian në burgun Domokos.

Pas plagosjes, shqiptari më pas u dërgua në Spitalin e Përgjithshëm të Lamisë dhe ndodhet nën kujdesin e mjekëve.

Si përfundim, shqiptari pësoi dëmtime në kokë, nga përleshja, ndërkohë që 3 persona janë ‘arrestuar’, pak orë më vonë nga punonjësit e policisë së Domokos, që po kryejnë edhe hetimet paraprake.

Vlen të theksohet se pas kësaj pasoi një kontroll i gjerë nga oficerët e burgut në qelitë e repartit ku u përleshën të burgosurit, në të cilën u zbulua një thikë metalike, një thikë e improvizuar dhe një send tjetër i mprehtë.

Sendet e paligjshme u sekuestruan, ndërsa të arrestuarit akuzohen për mbajtjen e sendeve të forta dhe lëndimet e rënda trupore ndaj shqiptarit.

LEXONI GJITHASHTU:

• Aksident me 4 të plagosur në Gramsh, njëri në gjendje të rëndë
• Tiranë| U plagos me thikë, ndërron jetë në spital 34-vjeçari