Tensionet në Lindjen e Mesme| Agjencia e OKB në Palestinë: Kemi humbur 212 kolegë

Agjencia e OKB-së në palestinë(UNRWA) tha të mërkurën se që prej fillimit të sulmit izraelit në Gaza, ka humbur 212 anëtarë të saj.

“212 kolegë të UNRWA-s janë vrarë që nga fillimi i luftës në Gaza”, tha UNRËA në një deklaratë në llogarinë e saj X.

Pavarësisht vdekjeve, tha agjencia e OKB-së, ajo “vazhdon të japë ndihmë humanitare kudo që të jetë e mundur dhe në rrethanat më të vështira”.

UNRWA theksoi se operacioni humanitar në Gaza “është bërë një nga më sfiduesit në botë për OKB-në tani”.

Deri në fund të korrikut, UNRWA tha se dokumentoi 464 incidente në ambientet e saj dhe njerëz brenda tyre në të gjithë Rripin e Gazës që nga 7 tetori.

UNRËA është organizata më e madhe humanitare në Gaza dhe konsiderohet si shtylla kurrizore e operacioneve të ndihmës humanitare në Palestinë.

LEXONI GJITHASHTU:

• Këshilli i Sigurimit rinovon mandatin e OKB-së në Liban
• OKB kërkon pauzë humanitare në Gaza, shkak vaksinimi i fëmijëve për poliomielitin