Nis sot lehtësimi i masave, baret hapur deri në 22:00, rikthehen fluturimet me Britaninë e Madhe

Prej ditës së sotme lehtësohen masat anti-COVID në vendin tonë. Ora policore është shtyrë nga 20:00 e mbrëmjes në 22:00 deri në 6 të mëngjesit.

Kështu, qytetarët kanë mundësi qarkullimi edhe dy orë të tjera, ashtu sikurse edhe bizneset  zgjasin aktivitetin e tyre. Një tjetër masa lehtësuese që u vendos një dite me parë nga Komiteti Teknik i Eksperteve është rinisja e fluturimeve me Britaninë e Madhe.

Vendimi hyn në fuqi ditën e sotme dhe këto masa do të aplikohen për dy javë, deri më 26 prill, një ditë pas zgjedhjeve të përgjithshme.

Komiteti Teknik i Eksperteve e argumentoi vendimin me rënien e infektimeve me coronavirus në vendin tonë gjatë 2 javëve të fundit.