“El Chapo junior” në mbrojtjen e SHBA, “zhduket” djali i trafikantit famëkeq

2 Shtator 2024 | 19:19

Ovidio Guzman Lopez, djali i Joaquin “El Chapo” Guzman”, ka hyrë në programin e mbrojtjes së dëshmitarëve të administratës amerikane.

Lajmin e ka bërë të ditur një burim pranë agjencisë amerikane të antidrogës, DEA, i cili ka refuzuar të japë detaje të tjera mbi çështjen pasi është e rezervuar.

Guzman Lopez, i njohur me pseudonimin “El Raton”, që do të thotë “Miu”, nuk është nën kujdesin e Zyrës Federale të Burgjeve që prej 23 korrikut, ditë prej të cilës vendndodhja e tij nuk dihet më.

Prokuroria e Përgjithshme e Meksikës kishte bërë të ditur në një komunikatë se pas arrestimit të Ismael Zambada Garsia, lideri më i fundit i kartelit të Sinaloas, nuk kishte qenë më në dijeni të vendndodhjes së djalit të “El Chapo”.

Një burim i Departamentit të Drejtësisë ka konfirmuar se tashmë ish-lideri i klanit të njohur si “Los Chapitos” mbetet nën kujdesin e autoriteteve amerikane dhe se seanca e ardhshme gjyqësore ndaj tij është parashikuar për më 1 tetor në një gjykatë të shtetit të Illinoisit.

Pavarësisht mistereve që kanë përfshirë çështjen, një gjë është e sigurt, se sagës së familjes Guzman, që kulmoi kur ajo drejtohej nga trafikanti i mirënjohur, po i vjen gradualisht fundi.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026