Shoqërohet Safet Bajri, avokati i tij reagon për Euronews: S’ka lidhje me atentatin

Safet Bajri është shoqëruar këtë të martë në polici. Safet Bajri u ndalua me një mjet të blinduar Mercedes – benz S class pak orë më parë në Lezhë. Pas marrjes në pyetje ai është lënë i lirë.

Avokati Sokol Tahiraj, mbrojtësi ligjor i Safet Bajrit, ka reaguar për Euronews Albania lidhur me lajmin e dhënë më herët për sa i përket shoqërimit në polici. Sipas avokatit ai është shoqëruar vetëm për një verifikim dhe më pas është lënë i lirë.

“Dua te theksoj se nuk ka lidhje as me atentatin as me shënjestrën e atentatit dhe me asnjë person te përfshirë në këtë atentat”,-tha avokati.

Dyshohet se shoqërimi lidhet me disa të shtëna me armë zjarri në drejtim të një automjeti të blinduar, ngjarje e ndodhur në fshatin Rranxë të Bushatit më 24 gusht.