Mbyllja e KURUM| Punonjësit dhe kryebashkiaku Llatja nisin negociatat me kompaninë

Kryetari i Bashkisë së Elbasanit, Gledian Llatja dhe një grup përfaqësues i punonjësve të  Kurum kanë mbërritur këtë të mërkurë pranë ambienteve të kompanisë, kjo për të arritur negociatave sa i takon çështjes së 500 punonjësve të larguar nga puna.

Në përfundim të mbledhjes kryebashkiaku i Elbasanit sqaroi se u arrit një marrëveshje që askush të mos pushohet nga puna dhe për sa i përket pagesës për punonjësit e Kurum, u shpreh kështu:

“Ky është një proces që ka ndodhur për disa vite për Kurum, edhe vjet ka qenë e njëjta gjë. Kemi kërkuar shpjegime nga kompania, ndërsa ditën e djeshme kemi pasur disa takime. Sot patëm një negociatë të fundit, ku arritëm në konkluzionin që asnjë punëtor të mos largohet nga puna për një afat ta pacaktuar. Askush nuk marrë më pak se 35 mijë lekë të reja bruto në muaj dhe të gjithë do marrin dietat ushqimore për 22 ditë punë. ata që do të jenë në punë do paguahen me 100% të pagës, kurse ata që do të jenë në shtëpi do të paguhen sipas kontartës kolektive, me jo më pak se 35 mijë lekë të reja.”

Sot për herë të parë, Kurum ka lejuar edhe hyrjen e mediave për të ndjekur vazhdimësinë e ngjarjes dhe për të mësuar se çfarë do të ndodhë me fatet e punonjësve.

Kujtojmë se KURUM ka mbyllur uzinën duke lënë “në rrugë” 500 punonjës me argumentin se është në vështirësi financiare.

Duke përsëritur kështu historinë e vitit 2016, kur kompania shpalli falimentin, për t’ju shmangur kredive të pashlyera, pagave të papaguara dhe për të fshehur evazionin fiskal, dhe doli nga falimenti në fund të 2018-ës.

LEXONI GJITHASHTU:

• Mbetjet toksike, Basha: Po shohim mundësinë e dërgimit të çështjes së KURUM në SPAK
• Kurum pushon 250 punonjës, largimi nga puna pas marrëveshjes me sindikatat