Mbetjet toksike, Basha: Po shohim mundësinë e dërgimit të çështjes së KURUM në SPAK

Ish-kryedemokrati Lulzim Basha ka folur ditën e sotme për skandalin e mbetjeve toksike që eksportoheshin nga Shqipëria drejt Tajlandës e Kinës.

Në konferencën për mediat, Basha tha se juristët e këtij grupimi politik po shihnin mundësinë e dërgimit të çështjes së KURUM nga Prokuroria aktuale që po e ndjek, tek SPAK.

Ai tha se ajo që ka dalë është maja e ajzbergut për qindra ton helme që janë kapur duke u transportuar.

Pjesë nga fjala e Bashës:

Dhe ndërkohë do të vazhdojmë të ndjekim ditë për ditë prioritete e njerëzve, ku dua t’ju njoftoj se ekipi ynë i juristëve po shikon mundësinë e dërgimit të çështjes së KURUM-im nga Prokuroria aktuale që po e ndjek, tek Struktura e Posaçme Anti-Korrupsion. Duke hetuar të gjitha aspektet që mund të përbëjnë bazë për ta konsideruar këtë si një vepër të një grupi të strukturuar kriminal me aspekte korruptive të zyrtarëve të lartë që janë juridiksion i SPAK. E keni parasysh se për çfarë bëhet fjalë. Dhe nuk bëhet fjalë vetëm për atë që ka plasur që është maja e ajsbergut për qindra ton helme që janë kapur duke u transportuar. Bëhet fjalë për praninë e këtyre helmeve në mënyrë të përditshme në Elbasan dhe në të gjithë vendin dhe rrezikun e tmerrshëm për pasojat e shëndetësore që kjo ka për qytetarët e Elbasanit dhe të gjithë Shqipërisë.

LEXONI GJITHASHTU:

• Alibeaj njofton ndarjen nga Basha: Do krijojmë grupim të ri politik
• “Sherri” Basha-Meta, përplasje në distancë dhe akuza për bashkëpunim me Ramën