PD ndez motorët për fushatë, zbardhet drafti që do diskutohet në Kryesi

Partia Demokratike do të mbajë sot mbledhjen e Kryesisë, ku pritet të bëhen diskutime sa i takon përzgjedhjes së drejtuesve politik për 11 qarqe.

Ditën e sotme do të zgjidhen 11 drejtuesit politik të 11 qarqeve, ku bëhet me dije se Tirana do të ketë 8 drejtues.

Emrat e këtyre drejtuesve janë ende në diskutim.

Gjithashtu është bërë publik dokumenti për udhëzimet sa i takon modalieteteve të bashkimit në një front të vetëm të gjithë forcës opozitar, i cili do të miratohet në mbledhjen e Këshillit Kombëtar të premten.

Kështu referuar udhëzimit, një individ që ka qenë anëtar kryesie në degën e PD-së së drejtuar nga Basha, që konsiderohet si strukturë paralele nga PD e Berishës, do të kuptohet si anëtar kryesie në degën e PD-së.

E njëjta gjë do të ndodhë me ata që kanë qenë kryetarë grupseksioni apo seksioni, që do të vijojnë të mbajnë të njëjtat pozicione.

LEXONI GJITHASHTU:

• Partia Demokratike kallëzon në SPAK ministrin e ri të Mbrojtjes
• Çollaku i përgjigjet Bashës: PD duhet të bashkohet përtej çdo miqësie e armiqësie