Partia Demokratike kallëzon në SPAK ministrin e ri të Mbrojtjes

Grupi Parlamentar i Partisë Demokratike, përmes Kryetarit të Grupit Gazment Bardhi i ka kërkuar sot SPAK të nis hetimet për ish-drejtorin e Autoritetit Portual Durrës, Ministrin e ri të Mbrojtjes Pirro Vëngu.

Shkak për këtë kallëzim është bërë një procedurë tenderi e realizuar në muajin Korrik 2024 nga Autoriteti Portual Durrës, i cili ka nënshkruar një kontratë konsulence me kompaninë holandeze Royal Haskoning, me vlerë 12 milionë euro, për mbikëqyrjen e punimeve për ndërtimin e portit të ri të Durrësit.

Sipas grupit parlamentar demokrat, ekzistojnë dyshime të arsyeshme të bazuara mbi prova, se Pirro Vëngu ka konsumuar veprat penale të “Shpërdorimit të detyrës” dhe “Shkeljes së barazisë së pjesëmarrësve në tendera apo ankande publike”, të parashikuara nga nenet 248 dhe 258 të Kodit Penal.

LEXONI GJITHASHTU:

• Betohen përballë presidentit Begaj ministrat e rinj të qeverisë
• Kush është Ervin Hoxha, ministri i ri i Brendshëm i qeverisë Rama
• Rama ndryshime të mëdha në qeveri, Balla lë ministrinë e Brendshme, emrat që lëvizin