Ish-bashkëshorti i vuri flakën, del nga rreziku për jetën 31-vjeçarja nga Korça

Melisa Trendafili, 31-vjecarja që bashkëshorti tentoi ta digjte me benzinë është jashtë rrezikut për jetën.

Prej 4 ditësh ajo po merr trajtim mjekësor në Shërbimin e djegie-plastikës ne QSUT, ku edhe u vizitua nga ministria e Shëndetësisë dhe mbrojtjes Sociale, Albana Koçiu.

Me anë të një postimi në rrjetet sociale, ministria Kociu ka ritheksuar mbështetjen e saj personale, por edhe të institucionit që ajo drejton për të ndihmuar Melisën dhe dy fëmijët e saj. Ndërsa ka shprehur mirënjohjen stafit mjekësor që i shpëtuan jetën.