Pamjet brenda stanit ku i riu vrau të atin dhe e hodhi në pus, detaje nga krimi

Trupi i pajetë i Enver Ballës ka qëndruar për rreth 3 javë në një pus në stanin jo larg banesës së tij në Shënavlash pasi u ekzekutua nga i biri me armë zjarri.

Gazetarja e Euronews Albania, Sara Demushi ishte në fshatin Shënavlash ku solli pamje të vendit ku dyshohet se u vra dhe më pas u fsheh trupi i pajetë i 62-vjeçarit.

Konflikti mes babë e bir mësohet se ka ndodhur në stan, ku pasi e ka vrarë, Esmerald Balla në bashkëpunim me Edison Brahaj, mik i tij e ka transportuar trupin e të atit rreth 1 km larg me anë të një automjeti për ta hedhur në pus.

Dy ditë pas ngjarjes ai ka shuar në polici ku ka raportuar humbjen e babait. Dy ditë më vonë, në adresë të djalit tjetër që jeton në Itali ka ardhur një mesazh ku një shtetase përmes rrjeteve sociale i shkruar se babai është larguar për pushime dhe mos u shqetësoni.

Vetë Esmerald Balla, pasi ka kryer veprimin ekstrem, i është drejtuar spitalit të Durrësit ku ka kërkuar shërbim mjekësor pasi gjendej në një gjendje ankthi dhe të rënduar psikologjike.

Në dëshminë e dhënë në polici ai pretendon se nuk e ka qëlluar ai babanë, por ka qenë nga pakujdesia pasi ky i fundit ka tentuar ta vrasë për shkak të kasafortës me kursimet e familjes prej 75 mln lekësh, ku mungonin një sasi parash.

LEXONI GJITHASHTU:

• E rëndë në Durrës! Djali vret babanë dhe e hedh në pus, e raporton të zhdukur
• Vrau babanë dhe e hodhi në pus, arrestohet miku i 30-vjeçarit: Zbardhet roli në krim