Kurum do të paguajë punonjësit, Bashkia Elbasan: 4 pika të marrëveshjes do zbatohen

Pas skandalit me mbetjet toksike, kompania ‘Kurum’ bëri levizjen e papritur me mbylljen e dy fabrikave dhe heqjen nga puna të 500 puntorëve.

Pas një sërë përpjekjesh, Bashkia e Elbasanit dhe sindikata e puntorëve arritën marrveshjen me kompaninë turke ‘Kurum’ për mos-heqjen e asnjë puntori nga puna.

Marrveshja u arrit në datë 4 Shtator, ku për herë të parë në ambjentet e Kurum u lejua edhe media.

Pas 8 ditësh, interesit të Euronews Albania, ne lidhje me marrëveshjen për puntorët përfaqësues nga ‘Kurum’ u shprehen se çdo gjë po behet siç u premtua edhe kreut të bashkisë së Elbasanit, Gledian Llatja.

Kur kanë kaluar më shumë se 1 javë nga marrëveshja e bashkisë së Elbasanit me kompanin ‘Kurum’ për 500 punonjësit, situata është kjo. Bashkia e qytetit na ka siguruar se pikat e marrëveshjes së arritur janë këto:

– Asnjë punonjës i kompanisë ‘Kurum’ nuk do të mbetet pa pagesë.

– Kompania është angazhuar maksimalisht për të vazhduar procesin e petëzimit, ndërsa çeliku do të jetë në punë.

– Ata që do të qëndrojnë në shtëpi gjatë kësaj kohe, do të paguhen sipas kontratave kolektive, me një pagë minimale prej 35 mijë lekësh bruto.

– Garancia është arritur edhe për dietat ushqimore.”

Kujtojmë se kompania “Kurum International” është origjina e qindra ton mbetjeve të dyshuara si të rrezikshme që janë eksportuar nga porti i Durrësit me destinacion Tajlandën, duke përhapur një alarm global.

Kompania turke “Kurum International” operon në ish-Kombinatin Metalurgjik të Elbasanit që prej vitit 1998 dhe është furnizues i rëndësishëm rajonal i shufrave të hekurit për ndërtim.

Me qindra punëtorë në bordero, ajo është gjithashtu një punëdhënës i rëndësishëm për banorët e Elbasanit.

LEXONI GJITHASHTU:

• Mbyllja e KURUM| Punonjësit dhe kryebashkiaku Llatja nisin negociatat me kompaninë
• Mbetjet toksike, Basha: Po shohim mundësinë e dërgimit të çështjes së KURUM në SPAK