“Erjoni ka treguar që di të fitojë”, Xhafaj: Tirana ka një peshë të madhe votash

Deputeti i Partisë Socialiste, Etjen Xhafaj  ka thënë në Euronews Tonight se mes tre drejtuesve politik të qarkut të Tiranës, ka  koherencë dhe bashkëpunim, sa i takon “punës” për të fituar gjysmën e mandateve për këtë qark.

Sipas tij, është një qark i cili kërkon shumë organizim për shkak të peshës së votave, krahasuar me qarqe të tjera që nuk mund të kenë të njëjtën peshë më Tiranën.

Në fjalën e tij, Xhafaj u shpreh se synimi i mazhorancës është që të shtohen forcat e punës për Tiranën dhe fitorja e të paktën gjysmës së mandateve për këtë qark, pra minimalishjt 20 mandate.

“Ky është fokusi që i duhet dhënë një qarku kaq të madh. Duke parë q edhe brenda qarkut të Tiranës, ka edhe njësi që kanë shumë peshë me vota, më lejoni t’ju jap një shembull. Në votimet e 2021 njësia 5 apo njësia numër 2, kanë të njëjtën peshë si bashkitë ku jam unë, Rrogozhina dhe Kavaja së bashku, prandaj duhet kjo qasjë për synimin e Partisë Socialiste, që të fitojë bindshëm më shumë se gjysmën e mandateve të qarkut të Tiranës. Të tre janë kolegë prej vitesh, të tre anëtar kryesie, të tre kanë qenë ministra. Besoj do ketë bashkëpunim të ngushtë mes të treja palëve. Erjoni ka qenë drejtues politik katër vitet e fundit, ka treguar fitore, krahas zgjedhjeve të fundit ku humbi në Kavajë. Nga ana tjetër, Spiropali ka treguar në qarkun e Shkodrës, po edhe Manastirliu në njësinë e vet,”-tha deputeti socialist.

LEXONI GJITHASHTU:

• Etjen Xhafaj: Skema si i thyem demokratët në Rrogozhinë
• Ndarja e drejtimit politik në Tiranë për PS, zbulohet roli i Veliajt