“Do të anulojmë fiskalizimin”, Basha takime me profesionistë të lirë, shpjegon programin ekonomik

Kryetari i Partisë Demokratike, Lulzim Basha, ka zhvilluar njё takim me profesionistë të lirë në njësinë 7, në Tiranë.

Kreu i opozitës shpjegoi programin ekonomik të Partisë Demokratike, për biznesin e vogël.

“Nuk është e rastësishme që ekonomia ka ngelur në vend numëro dhe në 8 vite janë ndërruar kush e di sa herë sistemet e taksimit të biznesit. I tillë është edhe i ashtuquajturi fiskalizim, një aferë e nisur prej kohësh, e denoncuar nga ne dhe gjetën një moment para zgjedhjeve që kanë bërë PPP do bëjnë edhe fiskalizimin”, u shpreh kryedemokrati.

Basha tha se procesi i fiskalizimit sipas tij është një aferë korruptive që do ta anulohet dhe hetohet.

“Plani ynë është i qartë, 600 deri në 2000 që do të paguajë biznesin i vogël, pasi i jepet fatura e energjisë 2-fish krahasuar me 8 vite më parë, pasi është rritur çmimi i naftës, biznesi i vogël nuk do të paguajë koston e fiskalizimit. Kjo aferë do të hetohet deri në fund”, u shpreh Basha.

Lexoni gjithashtu:

Basha takim me gra profesioniste: Mungesa e bilancit ekonomik ka prishur ekuilibrat e shoqërisë