Po transportonte 4 afganë drejt kufirit me Malin e Zi, arrestohet 28-vjeçari

Një 28-vjeçar ka përfunduar në pranga e policisë së Shkodrës, pasi u ndalua në flagrancë duke transportuar 4 shtetas nga Afganistani, kundrejt pagesës.

I riu u arestua në fshatin Vukpalaj, teksa po transportonte emigrantët e paligjshëm në drejtim të kufirit me Malin e Zi.

Uniformat blu sekuestruan automjetin në cilësinë e provës materiale.

Materialet procedurale i kaluan Prokurorisë, për veprime të mëtejshme.

“Shërbimet e Stacionit të Policisë Kufitare Bajzë, në vijim të punës për goditjen e aktivitetit kriminal të dhënies ndihmë shtetasve të huaj, kundrejt pagesës, për kalim të paligjshëm të kufirit, në bazë të informacioneve të siguruara në rrugë policore, kanë organizuar në bashkëpunim me shërbimet e Drejtorisë së Policisë Kufitare Shkodër, operacionin policor të koduar “Near 2”.

Në kuadër të operacionit  u  arrestua shtetasi: S. G., 28 vjeç, banues në Shkodër.

Ky shtetas u kap në flagrancë nga shërbimet e Policisë Kufitare, në rrugën e fshatit Vukpalaj, duke transportuar me automjetin e tij, kundrejt pagesës, 4 shtetas nga Afganistani me qëllim kalimin e paligjshëm të kufirit për në Mal të Zi”, bën me dije policia.

LEXONI GJITHASHTU:

• Kontrabandonin emigrantë të parregullt drejt Italisë, Europol arreston 19 persona
• “Evropa është e larë në kokainë”- Europol parashikon rritje të krimit të organizuar