Deputeti gjerman paralajmëron: Fluks refugjatësh në BE nëse nuk mbështetet Ukraina 

Nëse Perëndimi tërheq mbështetjen për Ukrainën në konfliktin e saj me Rusinë, duhet të pritet një fluks masiv i refugjatëve ukrainas në vendet e BE-së, tha Anton Hofreiter, një anëtar i Parlamentit gjerman, Bundestag nga Partia e Gjelbër.

“Nëse ne vazhdojmë të mos mbështesim Ukrainën, do të duhet të presim qindra mijëra refugjatë”, tha ai.

Ai gjithashtu u bëri thirrje liderëve të Gjermanisë dhe Polonisë, Olaf Scholz dhe Donald Tusk, që të udhëheqin një politikë të koordinuar migracioni, sepse veprimet e pavarura në këtë fushë, siç tha ai, mund të jenë “fillimi i fundit” për BE-në, shkruan RIA Novosti.

Kancelari gjerman Olaf Scholz tha të shtunën se Gjermania do të vazhdojë të mbështesë ushtarakisht Ukrainën për të parandaluar kolapsin e vendit të goditur dhe për të parandaluar një “shkelje flagrante të rregullave në Evropë”.

Në të njëjtën kohë, Scholz theksoi se ai do t’i qëndrojë vendimit të tij për të mos dërguar armë me rreze të gjatë në Ukrainë që mund të përdoren për të sulmuar objektiva thellë brenda Rusisë.

“Kjo mbetet kështu. Kjo është arsyeja pse unë do të qëndroj në pozicionin tim, edhe nëse vendet e tjera marrin vendime të ndryshme”, shtoi Scholz, duke aluduar në SHBA dhe disa vende evropiane, sipas Velt. “Nuk do ta bëj, sepse mendoj se është problem”.

LEXONI GJITHASHTU:

• Zelensky kërkon përshpejtim të ndihmës ushtarake për Ukrainën
• Kryqi i Kuq dënon sulmin që vrau tre punonjësit e tij në Donjeck të Ukrainës