Dinamo mposht Skënderbeun, dy barazime në Laç e Tiranë

Dinamo ka rrëmbyer fitoren e parë nën drejtimin e trajnerit Ilir Daja, i cili në dy përballje që prej emërimit numëron 4 pikë. Nëndetësja mposhti Skënderbeun në shtëpi në shifrat 2-1, ndërsa heroi ishte Mandela Itodo. I pari shënoi Zabërgja, ndërsa korcarët barazuan me Rashicën, teksa në limite sulmuesi Mandela vulosi triumfin për kryeqytetasit.

Në dy përballjet e tjera nuk pati fitues, Tirana-Elbasani 1-1 dhe Laç-Partizani po 1-1. Në Air Albania, miqtë ishin shumë pranë fitores, por Musta shpërdoroi një 11 metërsh që do i jepte 3 pikët Elbasanit. Sa i përket përballjes së luajtur në Laç, pjesa e parë u mbyll me rrjeta të paprekura, ndërsa në ë dytën Zeka shënoi për demat. Ballhysa vulosi rezultatin 1-1, duke i dhënë 1 pikë skuadrës së Cungut.

Partizani denoncon dhunën në faqen zyrtare në Facebook, ndërsa bën thirrje për drejtësi. Në 5 javë të luajtura, kampionati udhëhiqet nga Vllaznia me 10 pikë, po aq sa Egnatia e vendit të dytë, e më pas Elbasani e Partizani me nga 8. 7 pikë ka Dinamo e vendit të pestë. Sa i përket pjesës tjetër renditja vijon Teuta, Tirana, Bylis, Skënderbeu e Laçi.

LEXONI GJITHASHTU:

• Tirana kërkon të thyejë “mallkimin” e barazimeve, përballet me Elbasanin
• Humbja e parë e Egnatias| Rrogozhinasit ‘bien’ në Shkodër, Teuta përmbys Skënderbeun