Lanë takim në Vorë për borxhin, si u përshkallëzua sherri me armë mes të rinjve

Të tjera detaje kanë dalë ka konflikti me armë zjarri mes dy grupeve të të rinjve pasditen e kësaj të marte në Vorë.

Burime për Euronews Albania bëjnë me dije se gjatë konfliktit njëri prej këtyre personave ka nxjerrë armën dhe ka qëlluar në ajër.

Shkak i sherrit dyshohet se është bërë një borxh i mbartur. Nga të shtënat fatmirësisht nuk ka persona të plagosur.

Po ashtu mësohet se personat e përfshirë në konflikt nuk janë nga Vora. Si fillim kanë komunikuar në telefon dhe më pas kishin lënë një takim në Vorë për t’u sqaruar. Dyshohet se shtetasi që ndodhej në automjetin tip ‘BMW’ ka qëlluar me armë zjarri.

Ndërkohë Policia po punon për zbardhjen e plotë të rrethanave të ngjarjes dhe kapjen e autorëve.

Njoftimi i Policisë:

Tiranë/Informacion paraprak

Më datë 24.09.2024, rreth orës 17:40, në afërsi të rrethrrotullimit të Vorës, ka patur një konflikt mes shtetasve A. G., 25 vjeç, E. L., 39 vjeç, të cilët lëviznin me një mjet “Volksëagen Golf 5”, dhe shtetasit J. L., 31 vjeç, që lëvizte me një mjet tip “BMW”.

Gjatë konfliktit nga automjeti tip “BMW” dyshohet se është qëlluar një herë me armë zjarri në ajër. Nga e shtëna me armë zjarri nuk ka persona të dëmtuar.

Shërbimet e Policisë po punojnë për kapjen e shtetasit J. L., ndërsa grupi hetimor ndodhet në vendngjarje dhe po punon për sqarimin e rrethanave të ngjarjes.

LEXONI GJITHASHTU:

• Përleshje me armë zjarri në Vorë
• Qëllohet me armë zjarri 36-vjeçari shqiptar në Athinë