Emri| I dënuar me 6 vite burg në Itali, arrestohet në Tiranë 46-vjeçari

Gentian Kadillari, alias Endri Zyli Imeraj, një shtetas shqiptar i dënuar me 5 vjet e 11 muaj burgim nga autoritetet italiane është arrestuar këtë të mërkurë në zonën e Don Boskos në Tiranë.

Ky shtetas ishte shpallur në kërkim ndërkombëtar, pasi Gjykata e Apelit Ankona, Itali, e ka dënuar për veprat penale “Vjedhja në rrethana rënduese”, “Armëmbajtja pa leje” dhe “Mbajtja e dokumenteve të falsifikuara” parashikuar nga Kodi Penal italian.

Interpol Tirana po vijon punën me homologët në Itali për të bërë të mundur ekstradimin e 46-vjeçarit drejt italisë.

“Shërbimet e Sektorit për Operacionet Speciale dhe Kërkimin në DVP Tiranë në vijim të punës për kapjen e shtetasve të shpallur në kërkim ndërkombëtar, bazuar në inteligjencën informative mbi vendndodhjen e një shtetasi në kërkim, kanë organizuar dhe finalizuar operacionin policor të koduar “Wanted 5”.

Gjatë operacionit shërbimet e Policisë kanë kapur në rrugën “Don Bosko” dhe arrestuar me qëllim ekstradimin drejt Italisë, shtetasin Gentian Kadillari alias Endri Zyli Imeraj 46 vjeç, banues në Tiranë”, thuhet mes të tjerash në njoftimin e policisë.

LEXONI GJITHASHTU:

• SPAK mega-operacion në Manzë, goditet “selia” e organizatës së trafikut të kokainës
• Drogë dhe fisha karikimi me dron, çfarë u zbulua në burgun e Peqinit