Drogë dhe fisha karikimi me dron, çfarë u zbulua në burgun e Peqinit

Në orët e para të mëngjesit të kësaj të premte është tentuar të futet drogë nëpërmjet dronit në burgun e Peqinit, ndërsa policia ka gjetur 31 doza kokainë.

Mjeti fluturues është pikasur nëpërmjet kamerave, ndërsa ndodhej në një distancë rreth 150 metra nga perimetri i sigurisë.

Në kalçeton aty pranë, gjatë kontrolleve të bëra nga efektivët janë gjetur 31 doza kokainë, 200 gramë hashash, 1 telefon dhe 2 fisha karikimi. Qëllimi ishte dërgimi i këtyre pakove drejt të dënuarve, gjë e cila nuk u arrit.

Kontrollet po vijojnë nga ana e policisë për të zbuluar më tej rreth kësaj ngjarje.

LEXONI GJITHASHTU:

• Kisha Ortodokse Maqedonase mbështet Kishën Ortodokse Ukrainase, të ndaluar nga Kievi
• Kosovë| Dyshohet për sulm me lazer ndaj pilotit të helikopterit të KFOR-it