Napoli merr kreun e Serisë A, Juventusi i dyti

Skuadrat e kreut kanë regjistruar fitore në kampionatin italian, aty ku Napoli ka marrë vendin e parë duke lënë pas Juventusin, Milanin dhe Interin. Fundjava ishte pozitive për të 4 ekipet, sidomos për napoletanët të cilët ngjiten të parët, duke kaluar presionin në anën e kundërshtarëve. 3 herë fituesit e Serisë A luajtën mbrëmjen e së dielës ndaj Monzës, përballje e cila u zgjidh shpejt e u fitua në rezultatin 2-0. Fillimisht Politano e pas tij gjeorgjiani Kvaratskhelia vulosën triumfin e 4 në 5 javë për Antonio Conten, që duket se është përshtatur shumë mirë me skuadrën.

Më herë fitore regjistruan dhe Roma, Lazio e Como, e cila po konsolidohet nga ndeshja në ndeshje. Empoli-Fiorentina nuk pati fitues. Serinë e 3 pikëshave e nisi Milani në duelin ndaj Lecce, ku shënoi një tripletë. Po aq shënuan dhe Interi e Juventusi, respektivisht bardhezinjtë ndaj Genoas në transfertë 0-3 dhe Interi ndaj Udinese 2-3.

Sa i përket klasifikimit, në krye qëndron Napoli me 13 pikë më pas Juventus 12, Milan, Inter dhe Torino me 11, për të mbyllur 5 vendet e para në tabelë. Surprizë e deri më tanishme mund të konsiderohet Empoli i vendit të gjashtë, që së bashku me Juventusin nuk kanë pësuar asnjë humbje në 6 javë.

LEXONI GJITHASHTU:

• Napoli udhëheq kampionatin italian, Roma barazon me Xhenoan, “ngec” Interi
• Salah vendos rekord të ri, shënon golin e tij të 9 në ditën e parë për Liverpool-in