Nuk ka fitues në derbin e Madridit, Barcelona mbetet në krye

Atletico barazon në fund të sfidës, Barcelona mbetet në krye. Një derbi asnjëherë nuk zhgënjen, sidomos ai i Madridit, i cili prodhoi spektakël në Wanda Metropolitano. Megjithatë, në përfundim, nuk pati fitues.

Pjesa e parë u mbyll me rrjeta të paprekura, me dy skuadra tejet të kujdesshme që studionin kundërshtarin. Në pjesën e dytë erdhën të dy golat: fillimisht ishte Militao që përfitoi nga një pakujdesi në mbrojtjen e Atletico. Kur u duk se 3 pikët ishin për Los Blancos, Correa, i cili hyri si zëvendësues, rezultoi një kartë e artë, duke shënuar golin e barazimit në minutën e 95, duke bërë që skuadrat të ndajnë pikët.

Reali ka 18 pikë dhe është i dyti në tabelë, ndërsa Atletiko e ndjek me 2 pikë më pak. Në krye qëndron Barcelona, e cila, edhe pse pësoi humbje në javën e 8-të të La Ligas, mbetet në vendin e parë me 3 pikë përpara rivalëve të përjetshëm, Real Madrid.