Shtyhet seanca për “Metamorfozën”, prokurorët përplasen me avokatët e të pandehurve

Disa nga të akuzuarit e dosjes “Metamorfoza” mes të cilëve, ish-prokurori Xhevahir Lita, ish-shefi Operacionales Oltion Bistri dhe boksieri Astmer Bilali, kërkuan në Gjykatën e Posaçme që të gjykohen me gjykim të shkurtuar, kërkesë për të cilën trupa gjykuese do shprehet në seancën e radhës.

Seanca e sotme (1 Tetor) zgjati rreth 3 orë.

Gjyqi është shoqëruar me debate mes dy prokurorëve Arben Kraja dhe Altin Dumani, me avokatët e të pandehurve.

Sipas mbrojtësve ligjorë, pas më shumë se një viti Prokuroria e Posaçme ka pranuar që provat e grumbulluara nga zbërthimi i Sky ECC nuk janë dokumente siç kanë pretenduar deri më tani, por janë përgjime.

Qëndrim të cilin e kanë mbajtur avokatët që prej ditës së parë kur ka nisur ky proces. Seanca e kësaj të marte u shty për një ditë tjetër, për shkak të orarit të zgjatur.

LEXONI GJITHASHTU:

• Në burg për dosjen “Metamorfoza”, KPK shkarkon ish-kryeprokurorin e Kukësit
• Njeriu “kyç” në dosjen Metamorfoza, arrestohet në Itali “Leksi i druve”