Mungesa e tabelave informuese në Sarandë, problematikë e vazhdueshme për turistët

Manastiri i Shën Gjergjit, i ndërtuar mbi rrënojat e Murit të Demës është një nga monumentet e kategorisë së parë më të veçanta përgjatë rrugës Sarandë-Ksamil.

Mes kultit dhe historisë Manastiri i Shën Gjergjit, pak nga pak po njihet edhe nga vizitorët.

Ato që mungon në këtë monument janë tabelat informuese për vizitorët.

Të cilët duan të njohin historinë qindra vjeçare të manastirit dhe kishës.

I vendosur mbi një kodër, ai ka luajtur rol fetar dhe politik përgjatë shekujve të kaluar.

“Manastiri si edhe kisha janë ndërtuar mbi murin e Demos, së dyti manastiri ka konturet e sotme të mureve rrethuese në sipërfaqe të vogël dhe kryesisht pjesën më të madhe të sipërfaqes së kodrës dhe ka shërbyer si pikë strategjike më vonë në të gjitha pushtetet që kanë kaluar duke kontrolluar detin Adriatik, kanalin e Korfuzit për transportin detar si edhe mbi burgun e Delvinës në pjesën lindore si dhe liqenin e Butrintit, pra kanë kontrolluar të gjitha këto pozicione si pikë strategjike.” –u shpreh arkeologu Halil Shabani.

Manastiri i Shën Gjergjit daton që në shekullin e XlV, ndërsa tre shekuj më vonë në brendësi të tij është ndërtuar kisha, që mban po të njëjtin emër. Kisha i perket stilit bizantin dhe ka formën e një kryqi.

“Kisha është ndërtuar brënda territorit të mureve mbrojtëse të manastirit. Është e shekullit të XVll, dhe futet në tipin e kishave bizantine në formë kryqi me një kupolë. Kjo kishë ka vetëm një nef apo një sallë ku bëhen të gjitha ritet përkatëse.”-tha më tej arkeologu.

LEXONI GJITHASHTU:

• Dosja e tritolit në anijen në Sarandë, si u fiksua autori e i arrestuari nga kamerat
• EMRI Plagoset me thikë 38-vjeçari në Sarandë