Kurti i kërkon NATO-s të kthejë zonën tokësore të sigurisë: Serbia mbetet agresive

Kryeministri i Kosovës, Albin Kurti ka kërkuar nga NATO që ta kthejë zonën tokësore të sigurisë në një perimetër prej 5 kilometrash përgjatë kufirit të Kosovës me Serbinë.

Kjo kërkesë sipas Kurtit justifikohet me aktivitetet e Serbisë për afrimin e ushtrisë dhe artilerisë në kufi me Kosovën gjatë dy vjetëve të fundit.

“Meqë brenda dy vjetëve Serbia ka sjellë katër herë ushtrinë e saj te kufiri ynë, duhet rikthyer zona tokësore e sigurisë që NATO e quan ‘ground safety zone’, në gjerësinë 5 kilometra rrotull kufirit të Kosovës me Serbinë. Ajo u hoq në gusht të 2001-s, kur kryeministër ishte Zoran Gjingjiç që e vranë dhe këtë po e keqpërdor regjimi i Aleksandër Vuçiç”, tha Kurti, gjatë fjalës në mbledhjen e Këshillit të Përgjithshëm të Lëvizjes Vetëvendosje.

Kurti theksoi se udhëheqja aktuale në Serbi ka mbetur agresore, sikurse gjatë kohës së luftës.

LEXONI GJITHASHTU:

• Kurti: Me Guxo dhe Alternativën do të jemi bashkë në koalicion, sërish me një listë
• Rama mesazh Kurtit: Shumë të vegjël për të fjetur të qetë, nëse nuk kemi miq