Përfundon mbledhja e grupit parlamentar të PS, zbardhen diskutimet

Në mbledhjen e grupit parlamentar të Partisë Socialiste të hënën, është diskutuar për situatën e fundit të krijuar në Kuvend lidhur me opozitën, e cila ka sjellë tensione të ndjeshme në seancat e fundit.

Burime për Euronews Albania bëjnë me dije se deputeti Xhemal Qefalia ngriti shqetësimin mbi incidentet e ndodhura gjatë seancës të së enjtes, duke theksuar nevojën për një menaxhim më të mirë të situatave nga Shërbimet e Sigurisë.

Qefalia kërkoi që të merren masa të menjëhershme për të parandaluar përsëritjen e skenave të papërshtatshme që kanë ndodhur, të cilat, sipas tij, dëmtojnë imazhin e Kuvendit dhe e pengojnë procesin e punës së ligjvënësve.

Në përgjigje, Kryetarja e Kuvendit, Elisa Spiropali, informoi deputetët se Garda e Republikës është duke hartuar një plan të ri masash për menaxhimin e situatave në Parlament.

Gjithashtu shqetësim ka patur edhe për mungesën e ministrave në këtë mbledhje, pasi vetëm tre prej tyre kanë qenë prezentë, përfshirë këtu: Anila denajn, Igli Hasanin dhe Bora Muzhaqin.

LEXONI GJITHASHTU:

• Përfundon mbledhja e Grupit Parlamentar të PD, Bardhi: Çfarë u diskutua
• Salianji do rrijë në burg, Sula zbulon kërcënimin nga një eksponent i PS