Përfundon mbledhja e Grupit Parlamentar të PD, Bardhi: Çfarë u diskutua

Pas mbledhjes së grupit parlamentar të PD-së, Gazment Bardhi ka dalë në një deklaratë për mediat, ku ka dhënë dhe detaje për atë se çfarë u diskutua.

Në fjalën e tij ai theksoi se në javën e ardhshme do të depozitojnë dy kërkesa për interperlancë urgjente me kreun e qeverisë Edi Rama.

Mes tjerash ai theksoi se është e papranueshme që të griset kushtetuesja apo rregullorja thjesht se vetëm që deputetët e mazhorancës në Kuvend dëshirojnë të jenë avokatë të Olsi Ramës

“Grupi parlamentar i PD, fillimisht do të ripërsëris shqetësimin për mohimin e të drejtave të opozitës në parlament. Jeni dëshmitar dhe besoj se brenda dy javëve dy kërkesa në përputhje të plotë me rregulloren e Kuvendit të deputetëve të opozitës e para për interperlancë urgjente me kryeministrin dhe  e dyta ajo e dopozituar javën që shkoi për një mocion me debat lidhur me shitjen prodhimin apo trafikimin e lëndëve narkotike janë mohuar për arsye personale të Ramës në kundërshtim me kushtetutën dhe rregulloren. Mocioni për debat duhet të ishte nesër në rendin e ditës. Është e papranueshme që të griset kushtetuesja apo rregullorja thjesht se vetëm që deputetët e mazhorancës në Kuvend dëshirojnë të jenë avokatë të Olsi Ramës. Nuk bëjnë dot avokatin e vetes e jo më të Ramës”-tha ai.

LEXONI GJITHASHTU: 

• Bardhi: Gati propozimet për Reformën Zgjedhore, mbështesim listat e hapura
• Portreti i famshëm i Churchill-it, del në ankand. Ai e urrente këtë pikturë…