Agjencia Botërore e Motit shpall vitin më të thatë për lumenjtë në 3 dekada

Organizata Botërore Meteorologjike (WMO) deklaroi se 2023-shi shënoi “vitin më të thatë” për lumenjtë globalë në më shumë se tre dekada, duke reflektuar ndryshime alarmante në disponueshmërinë e ujit për shkak të kërkesës në rritje.

Sipas raportit, pesë vitet e fundit kanë treguar kushte jo-normale për rrjedhjet e lumenjve, duke ndikuar negativisht në furnizimin me ujë për komunitetet, bujqësinë dhe ekosistemet.

Raporti gjithashtu vuri në dukje humbjen më të madhe të akullit në pesë dekadat e fundit, me të gjitha rajonet me akullnaja që raportuan humbje të akullit për vitin e dytë radhazi.

Viti 2023 ishte gjithashtu “viti më i nxehtë” i regjistruar, me temperatura të larta dhe kushte të thata që kontribuan në thatësira të zgjatura.

Sekretarja e Përgjithshme e WMO, Celeste Saulo, e cilësoi ujin si “kanarina në minierën e qymyrit të ndryshimeve klimatike,” duke paralajmëruar se përmbytjet dhe thatësirat po shkaktojnë dëme të mëdha në jetë dhe ekonomi.

Saulo theksoi se cikli hidrologjik është bërë “më i çrregullt dhe i paparashikueshëm” si rezultat i rritjes së temperaturave, duke shkaktuar probleme të vazhdueshme me furnizimin me ujë.

LEXONI GJITHASHTU:

• Pas dëmeve të uraganit Helene, ja çfarë pritet t’a kërcënojë sërish Amerikën
• Përmbytet edhe Mali i Zi, dy lumenj dalin nga shtrati pas reshjeve të shiut