Bisedimet Turqi-Greqi, ministri Jashtëm grek Dendias takohet me presidentin turk Erdogan

Ministri i Jashtëm grek, Nikos Dendias u takua këtë të enjte me presidentin turk, Rexhep Taip Erdogan, në vizitën e parë zyrtare mes dy vendeve që nga përshkallëzimi i tensioneve për shkak të mosmarrëveshjeve lidhur me sovranitetin territorial në Mesdhe si dhe të sipërfaqes nënujore, ku më e rëndësishmja lidhet me rezervat e naftës dhe gazit.

Tensionet u shtuan verën e kaluar, kur Turqia dërgoi një anije eksploruese në ujërat e diskutueshme të Mesdheut, por tonet janë ulur disi, pasi Ankaraja tërhoqi anijen dhe vendet rinisën bisedimet bilaterale mbi mosmarrëveshjet e tyre pas një ndërprerjeje pesëvjeçare.

Gjatë pasdites, ministri i jashtëm Dendias do të takohet edhe me homologun turk, Mevlut Çavushollu.