Të mbijetuarit nga bomba atomike në Japoni fitojnë Çmimin Nobel për Paqe

Të mbijetuarit nga bomba atomike në Japoni, të organizuar në shoqatën Nihon Hidankyo, kanë fituar Çmimin Nobel për Paqe.

Kryetarja e Komitetit të Nobelit, Berit Reiss-Andersen, vlerësoi përpjekjet e jashtëzakonshme të grupit, duke theksuar se fushata e tyre ka luajtur një rol të rëndësishëm në krijimin e një tabuje ndaj armëve bërthamore, duke kontribuar shumë në lëvizjet globale kundër përdorimit të armëve bërthamore.

Nihon Hidankyo është një organizatë japoneze e të mbijetuarve nga sulmet atomike të Hiroshimës dhe Nagasakit.

“Rrënjët e lëvizjes së të mbijetuarve të bombave atomike në Hiroshima dhe Nagasaki, e njohur edhe si Hibakusha, shpërblehet me Çmimin Nobel për Paqe, për përpjekjet për ta bërë një botë pa armë bërthamore, dhe duke na treguar si dëshmitar që armët bërthamore nuk duhet të përdoren më kurrë”, ka thënë Komiteti, teksa e ka bërë të ditur fituesin.

Çmimi ka vlerën e rreth 1 milion dollarëve.

Vitin e kaluar, me këtë çmim është nderuar aktivistja iraniane për të drejta të grave, Narges Mohammadi.

LEXONI GJITHASHTU:

• Shpallet 3 fituesit e Çmimit Nobel në Kimi, ja çfarë zbuluan 3 shkenctarët
• Laureatët e çmimit Nobel në Fizikë, kush janë dy shkenctarët amerikanë