Haradinaj: Kurti agjent i Serbisë, ka lënë ushtrinë e tij pa bukë

Kryetari i Aleancës për Ardhmërinë e Kosovës (AAK), Ramush Haradinaj, ka vazhduar ta quaj spiun të Serbisë, kryeministrin Albin Kurti.

Ai tha se Kurti është agjent, njeri i Serbisë dhe tradhtar,  pasi siç tha e la ushtrinë pa bukë, përveç pa veshmbathje e paga të dinjitetshme.

“Në këtë foltore herët i kam thënë mashtrues. Shumica e njerëzve kanë menduar se buron vetëm nga opozitarizmi. Ju lutem angazhimi i tij ditor është i tëri mashtrim. Ai nuk punon në interes të këtij  vendi. Kurti në mënyrë sistematike, në vazhdimësi e dobëson vendin që drejton. Po i dobëson shtyllat jetike të vendit, ato të sigurisë. Po godet pamëshirshëm Policinë, AKI-në dhe ushtrinë në mënyrat më të ulëta të mundshme dhe po vazhdon të godit. I kam thënë një ditë këtu se është spiun i Serbisë. Po është tradhtar ai njeri që e len ushtrinë e vet pa bukë. Ky njeri e ka lënë ushtrinë e vet pa bukë, pse e bën ky këta? Pse po i ndodh këtij? Pse s’i ndodhi dikujt gjatë ekzistencës sonë që 20 vjet? Të gjitha janë rastësi a? I ka lënë pa transport, pa veshmbathje pa shumëçka tjetër, tash i la edhe pa bukë. Ju lutem kush e mbron këtë njeri shihni çka jeni duke bërë. Po e mbroni njeriun që arriti edhe ushtrinë me lënë pa bukë…Po bre spiun është, agjentë i  tyre, njeriu i tyre. Përndryshe kurrë se kish lënë gjendjen kështu”, theksoi Haradinaj.

LEXONI GJITHASHTU:

• Provokon Serbia, Kurti: Vuçiç ka sjellë ushtrinë pranë kufirit me Kosovën
• Kurti i kërkon NATO-s të kthejë zonën tokësore të sigurisë: Serbia mbetet agresive