Përplasen dy kamionë në aksin Cërrik–Gramsh, përfundon në spital 32-vjeçari

Një aksident ka ndodhur këtë të mërkurë, në afërsi të fshatit Shtëpanjë, në aksin e rrugës kombëtare Cërrik – Gramsh. Dy kamionë u përplasën dhe njëri prej tyre përfundoi jashtë rrugës.

Si pasojë e përplasjes, ka mbetur i lënduar drejtuesi 32-vjecari i njërit prej kamionëve V.M, të cilit iu dha ndihmën e parë dhe më pas u dërgua në Spitalin Rajonal të Elbasanit.

Ndërsa bëhet me dije se drejtuesi i kamionit tjetër S.H, rezultonte se ishte i dehur.

Në vendin e ngjarjes kanë shkuar ekspertët e qarkullimit rrugor për të kryer veprimet proceduriale si dhe për të zbardhur shkaqet e aksidentit.