Humbi rrugën nga Valbona në Theth, policia gjen turistin gjerman

Një turist gjerman, i cili kishte humbur orientimin gjatë rrugës nga Valbona në Theth, u gjet dhe u ndihmua nga Policia.

Situata u raportua nga një turiste gjermane në Stacionin e Policisë në Theth, e cila njoftoi se vëllai i saj kishte ngatërruar rrugën dhe nuk kishte më kontakte me të.

Menjëherë pas njoftimit, shërbimet e Policisë Theth u nisën në drejtim të shpellës së Pejës për të lokalizuar dhe ndihmuar turistin e humbur.

Njoftimi i Policisë:

Shërbimet e Policisë gjejnë dhe ndihmojnë një turist gjerman që kishte humbur orientimin gjatë rrugës nga Valbona në Theth.

Në Stacionin e Policisë Theth është paraqitur një turiste gjermane, e cila ka deklaruar se gjatë rrugës për eksplorimin e zonës, nga Valbona në Theth, vëllai i saj kishte ngatërruar rrugën dhe për këtë shkak nuk kishte më kontakte me të.

Menjëherë pas njoftimit, shërbimet e Stacionit të Policisë Theth janë nisur në drejtim të shpellës së Pejës, për të lokalizuar dhe ndihmuar turistin që kishte humbur orientimin.

Pas disa orësh kërkime nga punonjësit e Policisë, është bërë e mundur gjetja e turistit gjerman, në gjendje të mirë shëndetësore. Më pas, ai u shoqërua dhe u akomodua në një bujtinë në Theth.

LEXONI GJITHASHTU:

• Sezoni truistik në juglindje, përmes agjensive të huaja erdhën 600 mijë turistë
• Muzeu i Luftës së Ftohtë, tërheq 25 mijë turistë drejt Gjirokastrës