“Ia vlen të jetosh”, mamografi për gratë dhe vajzat e Forcave të Armatosura

Nën sloganin “Ia vlen të jetosh”, njësitë e lëvizshme të mamografisë ndaluan në repartin ushtarak në Bunavi, Vlorë ku u ofruan ekzaminime falas për kancerin e gjirit për vajzat dhe gratë pjesë e Ministrisë së Mbrojtjes dhe Forcave të Armatosura.

Esmihan Durbaku, Nënkolonelia e Forcave të Armatosura pasi ka kaluar me sukses betejën me kancerin prej afro 30 vitesh iu bëri thirrje grave dhe vajzave të mos neglizhojnë kontrollet.

Ministrja e Shëndetësisë Albana Koçiu theksoi se sa më shpejt të diagnostikohet kjo sëmundje aq më shpejt mjekët kanë mundësi që t’ju vijnë në ndihmë.

Ministri i Mbrojtjes, Pirro Vengu shprehu gatishmërinë për t’ju gjendur pranë në çdo sfidë shëndetësore.

1.642 gra dhe vajza të cilat shërbejnë në Forcat e Armatosura kanë mundësi të përfitojnë nga kontrollet falas në këtë muaj të ndërgjegjësimit.

LEXONI GJITHASHTU:

• Mamografia e lëvizshme në Prez, ekzaminime falas për të gjitha gratë në zonat rurale
• 1 në 8 gra risk për kancer gjiri, Koçiu: Mamografia do të ofrohet pranë vendbanimit