Mamografia e lëvizshme në Prez, ekzaminime falas për të gjitha gratë në zonat rurale

Preza, është ndalesa e radhës së mamografisë së lëvizshme, e cila ju mundëson grave dhe vajzave të zonës të ekzaminohen falas pranë banesave të tyre.

Për të ndërgjegjësuar edhe më shumë ato në lidhje me diagnostikimin në kohë, Ministrja e Shëndetësisë dhe Mbrojtjes Sociale, Albana Koçiu dhe ministrja e Bujqësisë dhe Zhvillimit Rural, Anila Denaj zhvilluan një bashkëbisedim.

15  tetori përkon edhe me ditën e gruas rurale, ndaj ministra Denaj kërkoi që pavarësisht punëve që një grua ka, të ndalojë dhe mendojë për veten.

 “E përmendi ministrja, që sot informohesh më kollaj se sa më parë, por nga ana tjetër, por edhe vendin ku mund të shkosh ta bësh këtë konsultë e ke më afër sesa më përpara”,tha Anila Denaj, ministre e Bujqësisë dhe Zhvillimit Rural.

Tetori Rozë është muaji i sensibilizimit kundër kancerit të gjirit, ndaj edhe mjekët apelojnë që çdo vajzë e grua nga mosha 35-40 vjeç të kryej ekografi të gjirit një herë në vit dhe nga mosha 50 deri në 70 vjeçe të mamografisë një ose dy herë në vit.

LEXONI GJITHASHTU:

• Rruga e Shqipërisë në BE, Gjepali: Lufta kundër korrupsionit, çelësi i suksesit
• Vrasja e Vajdin Lames, GJKKO pushon çështjen ndaj Lul Berishës e Plarent Dervishaj