“Kryemadhi dukej e dërrmuar”, Kikia: E pashë me një lloj keqardhjeje

Analisti Mentor Kikia komentoi në një intervistë për Euronews Albania daljen e parë publike të Monika Kryemadhit pas arrestimit të ish-bashkëshortit të saj dhe ish-presidentit Ilir Meta.

Dalja publike e Kryemadhit, sipas Kikias ishte e sforcuar, në një pozitë aspak të denjë dhe dukej që ishte e dërrmuar nga të gjitha problemet dhe akuzat që janë ngritur ndaj saj dhe familjes së saj

“Kryemadhi  ishte e sforcuar në deklaratat e saj dhe çdokush ka të drejtë të përgjigjet dhe  vetëmbrohet nga akuzat. E pamë znj.Kryemadhi në një pozitë aspak të denjë për t’u parë në një njeri të rrënuar, të shkatërruar, të dërrmuar për shkak të arrestimit të ish-bashkëshortit, shkatërrimit të një familjeje, akuzave të ngritura personalisht ndaj saj. E pashë në një farë mënyre në aspektin njerëzor me një lloj keqardhjeje, se në fund të fundit dimensioni human është tjetër gjë dhe ftohtësia para ligjit është tjetër gjë. Megjithatë besoj që të gjitha këto janë mekanizma se Kryemadhi dhe personat e tjerë të vënë  nën akuza mund t’i shpalosin të gjitha provat e tyre për çështjen”, – u shpreh Kikia.

LEXONI GJITHASHTU:

• Apeli i Kryemadhit: O në rrugë, o do mbyllim gojën për burgun e radhës
• “Për CEZ-DIA më informoi Endri Fuga”, Kryemadhi zbulon betejën për dosjen e bujshme