5 të vrarë dhe 22 të plagosur nga sulmi terrorist në Turqi, reagon Rama

Kryeministri Edi Rama ka reaguar pas sulmit terrorist në qendrën e aviacionit në Ankara ku humbën jetën 5 persona dhe u plagosën 22 të tjerë.

Përmes një postimi në X, Rama shprehet se “ne e dënojmë fuqishëm terrorizmin në të gjitha format e tij”.

“Jemi thellësisht të pikëlluar nga raportimet e të vdekurve dhe të plagosurve në Ankaray Shqipëria qëndron me Turqinë si dy vende vëllazërore dhe aleate të NATO-s. Ne e dënojmë fuqishëm terrorizmin në të gjitha format e tij dhe mbetemi plotësisht të bindur se Republika Turke do të dalë më e fortë nga një sulm kaq frikacak ndaj qytetarëve të saj të pafajshëm”, shkruan Rama në X.

Ngjarja ndodhi pasditen e së mërkurës. Pamjet nga kamerat e sigurisë gjatë sulmit, të transmetuara në televizion, shfaqën një burrë në rroba civile duke e mbajtur një pushkë në dorë dhe një çantë shpine.

Më herët, mediat raportuan se një shpërthim dhe të shtëna me armë u dëgjuan në ndërtesën e kompanisë dhe se punonjësit u dërguan në një vend të sigurt.

TUSAS prodhon avionë dhe helikopterë ushtarakë dhe civilë, si dhe sisteme dronësh për Forcat e Armatosura të Turqisë dhe për vende të tjera të botës.

LEXONI GJITHASHTU:

• Erdogan reagon nga Rusia për sulmin terrorist në Turqi
• Turqia: Sulmi në selinë e aviacionit me shumë gjasë vepër e militantëve kurdë të PKK