Kapet 120 kg kanabis në Vaun e Dejës, ishin në proces tharjeje

120 kilogramë kanabis janë kapur dhe asgjësuar në fshatin Karmë, në kuadër të kontrolleve intensive të Policisë së Vau i Dejës për evidentimin dhe goditjen e veprimtarive kriminale në fushën e narkotikëve.

Shërbimet e komisariatit, duke u bazuar në informacione të siguruara nga inteligjenca policore, realizuan një operacion në zonën e quajtur “Shpati i malit”, ku zbuluan bimët kanabisi në proces tharjeje.

Një pjesë e lëndës narkotike u sekuestrua si provë materiale, ndërsa pjesa tjetër u asgjësua në vendngjarje përmes djegies. Autoritetet vijojnë hetimet për identifikimin dhe kapjen e personave të përfshirë në këtë aktivitet të paligjshëm.

“Materialet procedurale i kaluan Prokurorisë, për veprime të mëtejshme.

Shërbimet e Komisariatit të Policisë Vau i Dejës, në bazë të informacioneve të siguruara nga inteligjenca policore, për një rast të prodhimit të narkotikëve, kanë ushtruar kontroll në zonën për të cilën disponohej informacion, në vendin e quajtur “Shpati i malit”, në fshatin Karmë, ku kanë gjetur rreth 120 kilogramë kanabis (bimë kanabis në proces tharjeje)”, thuhet në njoftimin e policisë.

LEXONI GJITHASHTU:

• Me kanabis në makinë gati për shitje, arrestohen 4 persona në Shkodër
• EMRI| 30-vjeçari plagos me thikë efektivin e policisë në Shkodër