“Romeo dhe Zhulieta” në Tiranë, kryevepra botërore vjen përmes 1 vallëzimi dashurie

28 Tetor 2024 | 16:24

Është cilësuar si historia më e madhe e dashurisë e të gjitha kohërave, ose ndoshta më tragjikja.

Kryevepra “Romeo dhe Zhulieta” ka ardhur për publikun shqiptar në një shfaqje në mjediset e “Resë” në Tiranë.

Nën një frymë ndryshe e në një koncept krejt të ri të regjisores Dajana Nenaj, loja e aktorëve erdhi mrekullisht përmes një vallëzimi të gjatë dashurie.

“Ajo që kemi sjellë ndryshe është se çdo gjë interpretohet live. Kemi një trupë muzikore që interpreton live, aktorët që interpretojnë karakteret e tyre, ashtu siç janë dhe balerinët e përfshirë. Është mesazhi i dashurisë, i paqes. Kemi dashur të frymëzojmë publikun këtë herë”, thotë Dajana Nenaj, regjisore.

Bota e ëndërrimeve që përqafon Romeon dhe Zhulietën erdhi si një magji e prekshme dhe e afër për publikun, për tri net radhazi.

Vepra është një tragjedi e shkruar në fillim të karrierës së dramaturgut William Shakespeare për dy të rinj “dashnorë të kryqëzimit të yjeve”, vdekjet e të cilëve përfundimisht bashkojnë familjet e tyre në grindje.

Shfaqja teatrore sjell në mënyrë mjeshtërore Veronën e epokës së rilindjes dhe këtë histori dashurie rrëqethëse. Vepra ka një vrull jetësor klasicist të jashtëzakonshëm për sa i përket vitalitetit dashuror midis dy të rinjve të cilët e duan njëri-tjetrin deri në vdekje.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Nga Gjermania në Korçë, turistët mësojnë hapat e valleve shqiptare

Korça po kthehet gjithnjë e më shumë në një destinacionin ku turistët nuk njihen vetëm me historinë, muzeumet dhe kulinarinë, por edhe me traditat që...
10:12 | 02/06/2026

“Qiell i hapur, mendje të hapura, rikthehet DEA Open Air, 40 filma nga 25 vende në garë

Nën moton “Qiell i hapur, mendje të hapura” rikthehet në Tiranë edicioni I 13-të I Festivalit Ndërkombëtar të Filmit “Dea Open Air”. Pjesë e këtij...
17:52 | 01/06/2026

Komedia “Sonte do darkojmë në shtrat” ngjitet në skenën e teatrit në Gjirokastër

Premiera e komedisë “Sonte do darkojmë në shtrat” është shfaqur në teatrin e Gjirokastrës, duke tërhequr interesimin e publikut dhe artdashësve të qytetit. Vepra e...
20:22 | 31/05/2026