Mbreti spanjoll përballet me turmat e zemëruara në zonën e vërshimeve

3 Nëntor 2024 | 15:05

Mbreti Felipe VI i Spanjës është përballur me protestues të zemëruar keq, teksa ka vizituar rajonin Valencia, i cili ka regjistruar vërshime të pashembullta në ditët e fundit.

Në disa pamje, banorët e zonës janë dëgjuar duke bërtitur “vrasës” dhe “turp” dhe kanë hedhur baltë në drejtim të mbretit, i cili është pyetur pse nuk është bërë asgjë për të shmangur tragjedinë.

Vërshimet më të këqija në Spanjë, në dekada, kanë lënë lagje të tëra të mbuluara nga balta dhe dhjetëra makina të rrokullisura njëra mbi tjetrën.

Më shumë se 200 njerëz kanë vdekur si pasojë e vërshimeve dhe ka ende persona të zhdukur.

Ekipet për kërkim-shpëtim janë duke bërë përpjekje që të gjejnë ndonjë të mbijetuar.

Banorët janë tejet të zemëruar për, siç thonë ata, mungesën e paralajmërimit dhe mbështetjes së duhur nga autoritetet pas vërshimeve.

Mbreti Felipe dhe Mbretëresha Letizia e kanë vizituar Paiportan, njërën prej qytezave të prekura më së keqi.

Të shtunën, kryeministri spanjoll, Pedro Sanchez ka urdhëruar angazhimin e 10.000 ushtarëve dhe policëve shtesë në zonën e prekur nga vërshimet.

Ai ka thënë se ky është angazhimi më i madh ushtarak në Spanjë në kohë paqeje.

Mirëpo, ai ka deklaruar se është i vetëdijshëm që përgjigjja nuk ka qenë “e mjaftueshme” dhe i ka pranuar “problemet e mëdha dhe mungesat”.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026